மலேசியா ஓபன் பேட்மிண்டன் போட்டி ஒத்திவைப்பு .! பின்னடைவை சந்திக்கும் சாய்னா நேவால், ஸ்ரீகாந்த் .!!!
கோலாலம்பூரில் நடைபெற இருந்த ,மலேசியா ஓபன் பேட்மிண்டன் போட்டியானது ஒத்திவைக்கப்பட்டுள்ளது .
மலேசியா ஓபன் பேட்மிண்டன் போட்டியானது, வருகின்ற 25 ஆம் தேதி முதல் 30-ஆம் தேதி வரை கோலாலம்பூரில் நடைபெற திட்டமிடப்பட்டது . தற்போது அங்கு கொரோனா தொற்று பாதிப்பு அதிகரித்து வருவதால் ,இந்த போட்டியை ஒத்திவைப்பதாக நேற்று அறிவித்தது .இந்த போட்டி தேதி குறிப்பிடாமல் போட்டி ஒத்திவைக்கப்பட்டது .இந்தப் போட்டியில் பங்கு பெற்று, தரவரிசைப் பட்டியலில் முன்னேற்றம் அடைந்தால் மட்டுமே ,ஒலிம்பிக் போட்டிக்கு தகுதி பெற முடியும்.
இந்த போட்டி ஒத்திவைக்கப்பட்டதால் , நட்சத்திர வீராங்கனையான சாய்னா நேவால், ஸ்ரீகாந்த் மற்றும் இரட்டையர் ஜோடி பிரிவில் அஸ்வினி- சிக்கி ரெட்டி ஆகியோருக்கு மிகப்பெரிய பின்னைடவு ஏற்பட்டுள்ளது .ஆனால் ஒலிம்பிக் போட்டிக்கு தகுதி பெறும் மற்றொரு போட்டியான ,சிங்கப்பூர் ஓபன் பேட்மிண்டன் போட்டி அடுத்த மாதம் ஜூன் 1 ம் தேதி முதல் 6ம் தேதி வரை நடைபெற உள்ளது .ஆனால் இந்தியாவுடனான விமான போக்குவரத்திற்கு சிங்கப்பூர் தடை விதித்துள்ளதால் , இந்திய பேட்மிண்டன் அணி போட்டியில் பங்கு பெறுவதற்கான வாய்ப்பு இல்லை என தெரிகிறது.
