நான் 3 விக்கெட் எப்படி எடுத்தேனு தெரியுமா ? இத தான் பண்ணேன் ! மொயின் அலி சொன்ன ரகசியம்
14வது ஐபிஎல் சீசனின் 12வது லீக் போட்டி நேற்று மும்பை வான்கடே மைதானத்தில் நடைபெற்றது. இந்த போட்டியில் தோனி தலைமையிலான சென்னை சூப்பர் கிங்ஸ் அணியும், சஞ்சு சாம்சன் தலைமையிலான ராஜஸ்தான் ராயல் அணியும் மோதியது. இதில் டாஸ் வென்ற சஞ்சு சாம்சன் முதலில் பவுலிங் தேர்வு செய்தார்.
அதன்படி முதலில் பேட்டிங் செய்த சிஎஸ்கே அணி 20 ஓவர்கள் முடிவில் 9 விக்கெட்களை இழந்து 188 ரன்கள் குவித்துள்ளது. சிஎஸ்கே வீரர்கள் அனைவரும் அதிரடியாக விளையாடினார்கள். ஆனால் விரைவிலயே விக்கெட்களை இழந்தனர். இதில் டூபிளெசிஸ் அடித்த 33 ரன்களே அதிகபட்சமாக இருக்கிறது.
இதையடுத்து மொயின் அலி 26 ரன்கள், ராயுடு 27 ரன்கள் , தோனி 18 ரன்கள் குவித்துள்ளார்கள். இந்த போட்டியில் சிஎஸ்கே வீரர்கள் மொத்தம் 11 சிக்ஸர்களை விளாசியிருக்கிறார்கள். இதில் சேதன் சாகரியா 3 விக்கெட்கள் மற்றும் கிறிஸ் மோரிஸ் 2 விக்கெட்கள் வீழ்த்தி இருக்கிறார்கள். தற்போது 189 ரன்கள் எடுத்தால் வெற்றி என்ற மிகப்பெரிய இலக்கை நோக்கி ராஜஸ்தான் களமிறங்கியது.
ஆனால் பட்லரை தவிர அனைத்து பேட்ஸ்மங்களும் தொடர்ந்து விக்கெட்களை இழந்து வந்தனர். 20 ஓவர்கள் முடிவில் ராஜஸ்தான் அணி 9 விக்கெட்களை இழந்து 143 ரன்கள் மட்டுமே குவித்தனர். ராஜஸ்தான் அணி சார்பாக ஜோஸ் பட்லர் அடித்த 49 ரன்களே அதிகபட்சமாக இருக்கிறது.
சிஎஸ்கே பவுலர்கள் மொயின் அலி 3 விக்கெட்கள், ரவிந்திர ஜடேஜா மற்றும் சாம் கரன் தலா 2 விக்கெட்களை வீழ்த்தி இருக்கின்றனர். இதுபோக ஜடேஜா 4 கேட்ஸ்களை பிடித்து அசத்தினார். இதன்மூலம் சிஎஸ்கே அணி 45 ரன்கள் வித்தியாசத்தில் வெற்றி பெற்றுள்ளது. மேலும், சிஎஸ்கே அணி புள்ளி பட்டியலில் இரண்டாவது இடத்திற்கு முன்னேறியுள்ளது. சிஎஸ்கேவின் இந்த இரண்டாவது வெற்றியை அனைவரும் பாராட்டி வருகின்றனர்.
இந்த போட்டியில் சிஎஸ்கே ஆல்ரவுண்டர் மொயின் அலி 3 ஓவர்கள் வீசி 7 ரன்கள் மட்டுமே கொடுத்து 3 விக்கெட்களை வீழ்த்தி இருக்கிறார். பேட்டிங்கில் 26 ரன்கள் குவித்திருக்கிறார். இதனால் இவர் ஆட்ட நாயகன் விருதை பெற்றிருக்கிறார்.
இந்த போட்டி முடிந்த பிறகு இதுகுறித்து செய்தியாளர்களிடம் பேசிய மொயின் அலி ‘இங்கு நான் அதிக ஸ்கோர் குவித்து தர வேண்டும். இதுவே எனது வேலை. இன்றைய போட்டியில் நாங்கள் அனைவரும் சிறப்பாக விளையாடினோம். ஒவ்வொரு வரும் தங்களது சிறந்த பங்கை கொடுத்துள்ளோம்.
இடது கை பேட்ஸ்மன்கள் களித்திறகுள் வரும் போது என்னால் இன்று விக்கெட் எடுக்க முடியும் என்று நம்பினேன். இது ஸ்பின்னர்களுக்கு நல்லாதாக இருக்கிறது. நாம் சரியான இடத்தில் பந்தை போட்டால் அது நமக்கு விக்கெட்களை பெற்று தர வாய்ப்புகளை ஏற்படுத்தும்’ என்று பேசியிருக்கிறார்.
