மித்ரன் ஜவஹர் இயக்கத்தில் தனுஷ் நடிக்கும் ‘டி 44’ படத்துக்கான படப்பிடிப்பு பூஜையுடன் துவங்கியுள்ளது. இதையடுத்து ரசிகர்கள் பலரும் சமூகவலைதளங்களில் படக்குழுவுக்கு வாழ்த்து கூறி வருகின்றனர்.
யாராடி நீ மோகினி, உத்தமபுத்திரன் படங்களை தொடர்ந்து மூன்றாவது முறையாக தனுஷ் – மித்ரன் ஜவஹர் கூட்டணி இணைந்துள்ளது. இந்த படத்தில் நித்யா மேனன், ராஷி கண்ணா, ப்ரியா பவானிசங்கர் கதாநாயகியாக நடிக்கவுள்ளது உறுதி செய்யப்பட்டுள்ளது.
குறைந்த நாட்களில் எடுத்து முடிக்க திட்டமிடப்பட்டுள்ள இந்த படத்தின் பூஜை சென்னையில் நடைபெற்றது. இதில் நடிகர்கள், பாரதிராஜா, பிரகாஷ் ராஜ், நடிகை நித்யா மேனன் உள்ளிட்டோர் கலந்துகொண்டனர். இந்த படத்தை சன் பிக்சர்ஸ் தயாரிக்கிறது. அனிருத் இசையமைக்கிறார்.
இன்னும் பெயரிடப்படாத இந்த படத்தை டி 44 என்று படக்குழு குறிப்பிட்டுள்ளது. மித்ரன் ஜவஹர் படங்களுக்கே உரித்தான கமர்ஷியல் மசாலா அம்சங்களுடன் இப்படம் தயாராகிறது. விரைவில் படம் தொடர்பான அடுத்தடுத்த அறிவிப்புகள் வெளியாகும் என்று எதிர்பார்க்கப்படுகிறது.
