சானியா ஜோடி தோல்வி

சிகாகோ ஓபன் டென்னிஸ் இரட்டையர் பிரிவு முதல் சுற்றில் இந்தியாவின் சானியா, சீனாவின் ஷுவாய் ஜங் ஜோடி தோல்வியடைந்தது.அமெரிக்காவில், பெண்களுக்கான டபிள்யு.டி.ஏ., அந்தஸ்து பெற்ற சிகாகோ ஓபன் டென்னிஸ் நடக்கிறது. இதன் இரட்டையர் பிரிவு முதல் சுற்றில் இந்தியாவின் சானியா மிர்சா, சீனாவின் ஷுவாய் ஜங் ஜோடி, அமெரிக்காவின் கரோலின் டோல்ஹைடு, கோகோ ஜோடியை எதிர்கொண்டது. முதல் செட்டை 1-6 என இழந்த சானியா ஜோடி, பின் எழுச்சி கண்டு 2வது செட்டை 7-5 என போராடி கைப்பற்றி பதிலடி தந்தது. வெற்றியாளரை நிர்ணயிக்கும் ‘சூப்பர் டை பிரேக்கரில்’ ஏமாற்றிய இந்தியா-சீன ஜோடி 6-10 என கோட்டைவிட்டது.ஒரு மணி நேரம், 10 நிமிடம் நீடித்த போட்டியில் ஏமாற்றிய சானியா, ஷுவாய் ஜங் ஜோடி 1-6, 7-5, 6-10 என்ற கணக்கில் தோல்வியடைந்து வெளியேறியது.