தமிழ் சினிமாவில் நகைச்சுவை நடிகராக இருந்து ஹீரோவாக படங்களில் நடித்து வெற்றிநடை போட்டு வரும் சந்தானம், அடுத்ததாக நடிக்கவுள்ள படம் குறித்த தகவல் வெளியாகியுள்ளது.
சந்தானம் தனி ஹீரோவாக நடித்து வரும் படங்கள் வரிசைக் கட்டி நிற்கின்றன, டிக்கிலோனா, மன்னவன் வந்தானடி, சர்வர் சுந்தரம், சபாபதி என ஏராளமான படங்கள் ரிலீஸாகவுள்ளன.
தற்போது இவர் அடுத்து நடிக்கவுள்ள படம் தொடர்பான தகவல் வெளியாகியுள்ளது. மேயாத மான், ஆடை போன்ற படங்களை இயக்கி கவனமீர்த்த ரத்னகுமார், அடுத்து சந்தானம் நடிக்கும் படத்தை இயக்கவுள்ளதாக கூறப்படுகிறது.
இயக்குநராக மட்டுமில்லாமல் நல்ல வசனகர்த்தகாவும் தமிழ் சினிமாவில் வலம் வருகிறார் ரத்னகுமார். அண்மையில் வெளியான மாஸ்டர் படத்துக்கு இவர்தான் வசனகர்த்தா என்பது குறிப்பிடத்தக்கது.
ஆடை படத்திற்கு பிறகு ரத்னகுமார் இயக்கும் சந்தானம் படம் தொடர்பான அறிவிப்பு விரைவில் வெளியாகும். இப்படம் சந்தானம் ஸ்டைலில் இருக்குமா..? அல்லது ரத்னகுமார் ஸ்டைலில் இருக்குமா..? என்பது தான் புரியாத புதிராக உள்ளது.
