அபுதாபியில் அய்மான் சங்கம் சார்பில் ஹிஜ்ரி புத்தாண்டு நிகழ்ச்சி..!

ஐக்கிய அரபு அமீரகம் அபுதாபியில் அய்மான் சங்கம் சார்பில் ஹிஜ்ரி 1443 வது இஸ்லாமிய புத்தாண்டு நிகழ்ச்சி யூடியூப், பேஸ்புக் மற்றும் ஜூம் காணொளியின் மூலமாக நேற்று 11-08-2021 அன்று மாலை அமீரக நேரம் 7:30 மணி அளவில் மிகச் சிறப்பாக நடைபெற்றது

இந்த நிகழ்ச்சியில் அய்மான் தலைவர் கீழக்கரை ஹெச்.எம்.முஹம்மது ஜமாலுத்தீன் அவர்கள் தலைமை வகித்தார்கள்

அய்மான் சங்க மார்க்கதுறை செயலாளர் மெளலவி எஸ்.எம்.பி. ஹுஸைன் மக்கி மஹ்லரி அவர்கள் நிகழ்ச்சியை தொகுத்து வழங்கினார்கள்

நிகழ்ச்சிக்கு காரி அல்ஹாபிழ் பிரபு பாதுல் அஸ்ஹாப் குத்புத்தீன் அவர்கள் இறைவசனம் ஓதி நிகழ்ச்சியை தொடங்கி வைத்தார்

அய்மான் சங்கத்தின் நிர்வாக செயலாளர் ஆடுதுறை முஹம்மது அப்துல் காதர் அவர்கள் வரவேற்புரை நிகழ்த்தினார்கள்

அய்மான் சங்கத்தின் முன்னாள் தலைவர் இப்போதைய கீழக்கரை தலைமை டவுன் காஜி டாக்டர் காதர் பக்ஸ் ஹுசைன் சித்திக் அவர்கள் துவக்க உரை நிகழ்த்தினார்கள்

நெல்லை பேட்டையில் அமைந்துள்ள ரியாலுல் ஜினான் அரபிக்கல்லூரியின் முதல்வர் மெளலவி அல்ஹாஜ் அல் ஹாபிழ் M.Y. ஹுமாயூன் கபீர் ஆலிம் உத்மானி அவர்கள் நிகழ்ச்சியில் ஹிஜ்ரத் தரும் பாடங்களும் படிப்பினைகளும் என்ற தலைப்பில் சிறப்புரை வழங்கினார்கள்

அதற்குப்பின்னால் அய்மான் சங்கத்தின் துணைப் பொருளாளர் பசுபதிகோவில் சாதிக் பாட்சா அவர்கள் நன்றியுரை வழங்கினார்கள் மற்றும் துஆவுடன் நிகழ்ச்சி நிறைவு பெற்றது

இந்த நிகழ்ச்சிக்கு இந்திய முஸ்லிம் பேரவை , அபுதாபி லால்பேட்டை ஜமாத் , காயிதே மில்லத் பேரவை அமைப்புகளின் பிரதிநிதிகள் மற்றும் மலேசியா சிங்கப்பூர் கொழும்பு நாடுகளிலிருந்தும் ஜூம் காணொளியில்
கலந்து கொண்டார்கள்.

நிகழ்ச்சி ஏற்பாடுகளை கௌரவ ஆலோசகர் ஆவை A. S. முஹம்மது அன்சாரி, பைத்துல் மால் செயலாளர் பார்த்திபனூர் நிஜாம் மைதீன், மக்கள் தொடர்புச் செயலாளர் தேவிப்பட்டிணம் ஹாஜா முபீனுத்தீன்,நிர்வாக செயற்குழு உறுப்பினர் மற்றும் கீழக்கரை ஏ.ஹெச்.சயீத் முஹம்மது பாசில் உள்ளிட்டோர் மிகச்சிறப்பாக ஏற்பாடு செய்திருந்தனர்

இதேபோன்று இஸ்லாமிய புத்தாண்டு நிகழ்ச்சி ஒவ்வொரு வருடமும் தொடர்ந்து அய்மான் சங்கம் நடத்தி வருவது என்பது குறிப்பிடத்தக்கது.