காட்பாடி அடுத்த பிரம்மபுரத்தில் தை மாத பொங்கல் விழா முன்னிட்டு வீடு, வீடாக சென்று பக்தர்களுக்கு அருள்பாலித்த சீதா, ராமர், லட்சுமணன், அனுமான் உற்சவர்கள் !!

வேலூர் மாவட்டம் காட்பாடி அடுத்த பிரம்மபுரம் கிராமத்தில் பொங்கலன்று சீதாராமன் பஜனை கோயிலில் விசேஷ பூஜைகள் நடந்தன. சிறப்பு அழைப்பாளராக பிரம்மபுரம் கிராம பஞ்சாயத்து தலைவர் ராதாகிருஷ்ணன் கலந்துகொண்டார். பின் உற்சவர்களான சீதா, ராமன், லட்சுமணன், அனுமான் ஆகியோர் அலங்காரம் செய்யப்பட்டு நாதஸ்வர இசையுடன் வீதியில் சென்று பக்தர்களுக்கு அருள்பாலித்தார். அலங்காரம் மற்றும் பூஜைகளை சாமியார் சசி குழுவினர் செய்து இருந்தனர். கிராம பொதுமக்கள், இளைஞர்கள் ஏற்பாடுகளை செய்து இருந்தனர்.

செய்தியாளர்: வேலூர் கே.எம்.வாரியார்