எது யாருக்கான சொற்கள்

எது எது யாருக்கான சொற்கள்
என்று எடுத்துப் பார்த்தே
பேசிப் பழகிவிட்டோம்
ஆளுக்கொரு சொற்களென
அனைவருமே வகுத்துக் கொள்கிறோம்
சில சொற்களை கவிதையாக்குகிறோம்
சில சொற்களை
காதலாக்குகிறோம்
சில சொற்களை
கதைகளாக்குகிறோம்
இன்னும் சில வற்றை
காவியமாக்கு கின்றோம்
இப்போதும் சொற்களை
இனிமையாக்கினோமா எனில் சந்தேகம்தான்…
இதழ்கள் விரிக்கும் சொற்கள்
செவிகளோடு நிற்பதில்
பெருமையல்ல
இன்னும் சற்றேயிறங்கி
இதயத்தையும் சேரட்டும்
சொற்கள் செவிக்கானதல்ல
இதயத்திற்கானது…

இரா.சிவசங்கரன்
சென்னை.