நடிகர் சிவகார்த்திகேயன் தயாரிப்பில் வெளிவருகிறது “குரங்கு பெடல்”

நடிகர் சிவகார்த்திகேயன் தயாரிப்பில் ராசி அழகப்பன் எழுதியுள்ள சைக்கிள் நாவலை மையமாக கொண்டு May 3 ல் வெளிவரும் படம் குரங்கு பெடல்.  70 80 காலகட்டங்களில் சிறுவர்கள் சைக்கிள் கற்று கொள்ள எடுத்துக் கொள்ளும் அபரித முயற்சிகள், வீட்டுக்கு தெரியாமல் சிறு தவறுகள் செய்து காசு எடுத்து கொண்டு சைக்கிள் ஒட்டி விழுந்து வாரி எழுவது, அந்த கால கட்டத்தில் ஓரு சைக்கிள் ஓரு வீட்டில் இருந்தால் அதன் பயன்களை பெற்றோருக்கு எடுத்துரைப்பது என மனதை தொட்ட காட்சிகள் படமாக்கபட்டுள்ளது.

படத்தின் கதா சிரியர் ராசி அழகப்பன் தன் சிறு வயதில் தான் சைக்கிள் ஓட்ட கற்று கொள்வதற்கு பட்ட சிரமங்களையும் தன் மகனுக்கு ஓரு சைக்கிள் வாங்கி கொடுக்க பட்ட கஷ்டங்களையும் குறிப்பிட்டார்.

படத்தின் 5 சிறுவர்கள் தான் படத்தின் மைய கதாநாயகர்கள் அவ்வளவு அருமையாக இந்த 5 சிறுவர்களும் கதாப் பத்திரமாக வாழ்ந்து உள்ளனர். படத்தின் ஒளிப்பதிவு அந்த Dry Villages முழுவதும் படமாக்கபட்டவிதம் அருமை. ராசி அழகப்பன் கதையை திரையில் மிக அழகாக காட்சி படுத்தி உள்ளார் இயக்குனர் கமலக்கண்ணன்.

சிறுவர்களுக்கான படமாக மிக சிறப்பான படமாக வெளிவரவிருக்கும் ‘ குரங்கு பெடல் ‘ பத்திரிகையாளர் சந்திப்பில் முக்கிய வேடத்தில் நடித்திருக்கும் காளி வெங்கட், இசையமைப்பாளர் ஜிப்ரான், டைரக்டர் கமலக்கண்ணன், படத்தின் கதாசிரியர் எழுத்தாளர் ராசி அழகப்பன், முக்கிய வேடங்களில் நடித்திருக்கும் சிறுவர்கள் மற்றும் படக்குழுவினர் கலந்துக் கொண்டனர்.