119views
சென்னை, நவம்பர் 15, 2024
இந்தியாவில் உள்ள கியூபா குடியரசின் தூதரகத்துடன் இணைந்து இந்தோ சினி அப்ரிசியேஷன் ஃபவுண்டேஷன், சென்னை சர்வதேச திரைப்பட விழா (CIFF) நடத்தும் கியூபா திரைப்பட விழா 2024 இன்று துவங்கியது.
இந்த சிறப்பு மூன்று நாள் நிகழ்வு நவம்பர் 15 முதல் 17, 2024 வரை சென்னை, ஆவிச்சி கலை மற்றும் அறிவியல் கல்லூரியில் உள்ள ஏ.வி.எம். ஆடிட்டோரியத்தில் நடைபெறுகிறது.
சிறப்பு விருந்தினர் திரு. எஸ். விஜயகுமார், IFS, மண்டல பாஸ்போர்ட் அதிகாரி, சென்னை, MEA கிளை செயலகத் தலைவர், தொடங்கி வைத்தார். விழாவில் அவர் பேசிய கருத்துக்கள், திரைப்படங்களில் கலாச்சார ஈடுபாட்டின் முக்கியத்துவத்தை வலியுறுத்தியது. இதே கருத்தினை திரு. சிவன் கண்ணன், ஐசிஏஎஃப் தலைவர், அவர்களும் வழிமொழிந்ததோடு திரு. எஸ். விஜயகுமார் அவர்களை முறையாக வரவேற்று கெளரவித்தார்.
இந்த விழாவின் முதல் நாளான இன்று, கியூபா சினிமாவின் மெய்ப்பொருளைக் காட்டும் படம் கான்டிகோ பான் ஒய் செபொல்லா (Contigo Pan y Cebolla) திரையிடப்பட்டது, இந்த திரைப்படம் குடும்ப உறவுகளையும், எளிய மகிழ்ச்சிகளையும் சித்தரித்தது. இந்த திரைப்படம் உணர்ச்சிகரமான கதை மற்றும் நகைச்சுவையால் பார்வையாளர்களை கவர்ந்தது.
